১৩-১১-২০২৫ ড° পৰমানন্দ মজুমদাৰ ছাৰৰ সান্নিধ্য: ডিব্ৰুগড় বিশ্ববিদ্যালয়ৰ ড° ভূপেন হাজৰিকাৰ জন্ম শতবাৰ্ষিকীৰ অংশ হিচাপে আয়োজিত কাৰ্যসূচীত ড° পৰমানন্দ মজুমদাৰ ছাৰে বক্তৃতা প্ৰদান কৰিলে। বিষয়- ভূপেন হাজৰিকাৰ চিন্তা-প্ৰবাহ: পটভূমি আৰু বিস্তাৰ বিশিষ্ট লেখক,গৱেষক, অৱসৰপ্ৰাপ্ত অধ্যাপক তথা যশস্বী সম্পাদক ড° মজুমদাৰ ছাৰৰৰ বক্তৃতাই উপকৃত কৰিলে। বক্তৃতাত ড° ভূপেন হাজৰিকাক অসমৰ শ্ৰেষ্ঠ বুদ্ধিজীৱী বুলি ঘোষণা কৰে। সুধাকণ্ঠ গৰাকীৰ সৃষ্টিৰ গীত-মাতৰ চৰ্চা সৰ্বতে হৈ আছে। যদিও হাজৰিকাৰ গীতৰ বৈজ্ঞানিক আৰু উচ্চস্তৰীয় গৱেষণা বাকী আছে বুলিও মত প্ৰকাশ কৰে। গীতে তেওঁ সমন্বয়ৰ বাৰ্তা,মহামিলনৰ এনাজৰী,জাতি জনজাতি আৰু জনগোষ্ঠীক সমান গুৰুত্ব প্ৰদান কৰা প্ৰসংগ বিশেষকৈ বক্তৃতাত আগস্থান প্ৰদান কৰে। জ্যোতিপ্ৰসাদ আগৰৱালা, বিষ্ণুপ্ৰসাদ ৰাভা,পল ৰবচন আদিৰ দৰে প্ৰখ্যাত শিল্পীৰ সান্নিধ্যলৈ ৰাষ্ট্ৰীয় তথা আন্তঃৰাষ্ট্ৰীয় ক্ষেত্ৰলৈ হাজৰিকাৰ দৃষ্টিভংগী প্ৰসাৰিত কৰাত বিশেষ সহায়ক হৈছিল। অকল গীতে-মাতেই নহয় আলোচনী সম্পাদনা, গৱেষণাধৰ্মী কৰ্ম, ৰাজনৈতিক জীৱন, বৌদ্ধিক আড্ডা,যাযাবৰ জীৱন প্ৰসংগ,গীত পৰিৱেশন পৰিস্থিতিৰো বক্...